O xogo de D'Agolada

Gustei da idea que acabo de ler no blogue de D'Agolada e alá vou. Consiste en definirse a través do nome do blogue de cadaquén.

Pode resultar un exercicio curioso de sicoanálise. E ademáis, gratis.

Vexamos...

NAVICULARIA vén de

N - de narración. Un blogue non tén senso se non conta nada.
A - de aburrimento, unha das principais causas polas que comecei a escribir neste gran caderno dixital.
V - de viaxe, de verso. Ás veces, só as palabras poden levarme onde quero ir.
I - de interrogación: a vida é para mín unha constante busca interior e exterior, unha pregunta que nunca responderei.
C - de curiosidade, que disque que matou ó gato :S
U - de ubicuidade. É a sorte da iNET, que podes estar en todas partes :D
L - de ligazón, de lazo con todos e todas os e as que ledes este pequeno libro aberto.
A - de alegría. De compartir a alegría que me move, ou da falta dela, a escribir.
R - de reloxo. Maldito tempo, idea recurrente na miña cabeza.
I - de imaxinación, de ironía, de imbécil, tamén, de cando en cando, ou sempre, non o sei.
A - de AMOR. Como non. Que sería dos poetas sen el ou con el. :D


Non sei se vai ben. A cousa foi pasar un anaquiño máis con vós.