Letra Bastarda

Polas palabras adquirín a consistencia do invisible do que se fala en voz baixa diante das visitas pola inclinación da ladeira pola vontade suicida dos saltadores. Polo que non se di adquirín esta consistencia viscosa do invisible. do impronunciable. do que non se debe tocar. do que se examina con pudor e distancia. do que se aparta. do que enlixa os ollos e entorpece o paso. En baixavoz.

Dar nome ao oco ao fragmento á grampa metálica da sutura, ao van hermético e silencioso á hemorraxia enzoufada pola roupa branca e as pernas a ese espantosísimo azul cada vez máis inmenso á fenda da nordesía á liña invisible e finísima que percorre o gume do bisturí a todo o que arde e morre. Nomealo. Darlle o teu nome. A nostalxia é un extenso páramo triste.