Colossus (XIV)

Polas palabras
adquirín a consistencia do invisible

do que se fala en voz baixa
diante das visitas

pola inclinación da ladeira
pola vontade suicida dos saltadores.


Polo que non se di
adquirín esta consistencia

viscosa

do invisible.

do impronunciable.

do que non se debe tocar.

do que se examina con pudor e distancia.

do que se aparta.

do que enlixa os ollos e entorpece o paso.


En baixavoz.