Os gatiños que pariu Perla

Perla pariu tres soles brancos como a brancura linda da lúa.

Tépedos e trementes.

Perla miaña e fai run run mentres lle aloumiño ás súas criaturas, besbéllolle un canto de berce e mírame con ollos tenros e grandes.

És unha nai boa, Perla, dígolle, a mellor nai que se pode pedir, meniñeira.

Coida deses tres soles brancos como a brancura linda da lúa.

Medrarán ata o ceo e miraránnos cos seus ollos de estrelas.